Judo Federation i provaedem opotunity long ol yangfala boy mo gel long Port Vila blong atendem ol trening prokram blong hem.
Trening prokram blong martial art spot ia i stap tekem ples long Korman long evri tusde mo tasde long aftanun mo eniwan i soem intres i save pem patisipesen fee blong 100 vatu long wan dei.
Hemi wan spot we i setap long Vanuatu i no longtaem be hemi stap winim fulap medal finis long Pacific Games mo nara rejinol kompetisen.
Judo i wan long olketa spot disiplin we Vasanoc i putum long longlist blong hem blong kompit long 2019 Pacific Games long Apia Samoa.