Interchange Vanuatu Rugby League i gat finis faenol tim we bae i kompit long Emerging ragbi lik jampionsip long Sydney Australia.
Presiden blong Interchange Vanuatu Rugby League, Tom Carlo mo Holiday Inn Resort koj, Lionel Harbin i nemem faenol skwad long Port Vila yestede.
I gat wan total blong 24 pleia we i stap long final list mo hemi kompraes long 19 home grown pleia mo 5 we oli Vanuatu descendants we oli live mo plei lik long Australia mo New Zealand.
24 man skwad ia bae i plei long Rugby League Emerging Nations World Championship stat long namba 4 mo finis long 13 Oktoba.
Vanuatu i stap long Pool B wetem Hungary mo Greece nasonal ragbi lik tim.