Rod blong Tokyo 2020 Olympic blong Vanuatu i stat long Asian Beach Volleyball Championship we i kikof long Thailand long tedei.
Miller Pata mo Sheresyn Toko long bij volibol i reprisentem Vanuatu mo bambae tufala i stat kompit long mein dro long bij volibol jampionsip ia.
Hemi no festaem blong Vanuatu woman bij volibol i kompit long jampionsip ia mo Vanuatu Volleyball Federation i trastem tufala pleia blong pefom long evri best blong tufala.
Afta long Thailand bae tufala pleia i go long China blong kompit long FIVB wol tua jampionsip.