U.S.A. Andasekreteri blong nevi i visitim Vanuatu tedei blong mekem i strong bakegen komitmen blong US wetem Vanuatu mo long rijon blong pasifik.
Thomas B. Modly, i kasem Port Vila tedei long 2 dei visit blong anda-laenem impotens blong long-tem rilesonsip blong United States blong America mo Vanuatu.
Mr Modly, bae i mitim ol hae-level ofisol blong gavman blong Vanuatu mo ol ofisol blong Vanuatu Polis Fos blong riafemem komitmen blong U.S difens mo sekuriti blong Vanuatu insaed long Indo-Pasifik rijon.
Visit blong hem, i pat blong longfala trip long pasifik olsem Fiji, Kiribati, Papua New Guinea.
Taem hemi visitim ol kantri ia, hemi tokbaot tinktink blong USA blong divelopem long-tem plans blong patna wetem, mo sapot patna kapasiti blong indo-Pasifik strateji we oli jas divelopem.
Mr Modly, hemi wan graduet blong US Naval Akademi mo hemi bin risivim bachela blong saens, wetem distins long politikol saens long 1983 mo long gradueson blong hem ia, hemi joenem United States Nevi mo i sev olsem wan UH-1N palot blong plen blong ol ami kasem 1990.