By-Election long Constituency blong Tanna hemi stap gohet gud naoia folem ol ripot we i kam long ol presiding officer blong sam long ol polling station.
Napuaty John. Prisaeding Ofisa long Lenaken Polling station i talem se, Polling staton hemi open stret long 7-30 long tete morning.
Mr John i talem se, turn out long vote tete morning hemi gohet gud nomo we lukim pipol oli happy blong exercisem right blong olgeta blong castem vote blong olgeta.
Hemi gohet blong talem se, wan long ol issue we oli facem long tete morning we lukim some pipol we oli live long port vila oli travel i go blong vote be oli no acceptem olgeta blong exercisem constitutional right blong olgeta.
Nomata we nem blong olgeta i stap long electoral roll be oli no allow blong vote from oli reside long nara island over long three manis.
VBTC News team i understanem too se some long ol polling station oli open door blong olgeta long 8 oclok long morning, be turn out blong ol registered voters hemi gohet gud nomo kasem naoia.
Ripot i talem se tete morning plante pipol oli line blong castem vote blong olgeta blong save jusum wan representative blong olgeta long Parliament.
VBTC NEWS Team by hemi gohet blong updatem pipol wetem ol unofficial result long tete long afternun.