Vanuatu i officiali joinem Global Alliance on Torture-Free Trade long wik ya long yestete, 25 Septemba.
Minista blong Foren Afea, Ralph Regenvanu i representem Vanuatu long Fes Ministerial Miting blong Alliance ia long hed kot blong United Nations long New York, Amerika.
Minista Regenvanu i mekem wan statement long tedei, blong announsem se Vanuatu i joinem Alliance ia, mo hemi sainem wan dokumen blong Vanuatu i officiali join.
Hemi talem se kavman blong Vanuatu i stanap strong mo sapotem wan international ban we i stap, blong help stopem ol fasin blong tritim nogud ol pipol mo kosem pain long bodi blong olketa.
Mr Regenvanu i talem se kavman blong Vanuatu i kat konsen se nomata we international ban ia hemi stap, be i kat ol material we oli stap usum long wol, blong mekem ol panismen, mo ol nara hard tritmen we pipol i stap kasem raun long wol.
Hemi talem se Vanuatu i tok aut agensem prodaksen, mo trade blong ol material we oli usum blong sapotem ol kain nogud fasin olsem, mo hemi askem blong i kat aksen long wol blong stopem ol prodaksen mo trade blong ol material ia.
Vanuatu kavman i pripea, redi mo willing blong join mo kontribut long ol international effort, blong mekem ol effektive aksen tru long legislation blong stopem ol kain trade blong ol material we oli stap usum, long ol hard panismen.
Mo from rison ia Vanuatu i joinem Global Alliance for Torture Free Trade.
Vanuatu ibin sainem mo raftifiem United Nations convensen, agensem Torture long sam yia i pas.