Long Fiji, kot i mekem jenis long bail kondisen blong lida blong Social Democratic Parti, or SODELPA, Sitiveni Rabuka.
Jenis ia i allowem Mr Rabuka blong travel iko autsaed long Suva, mo ino nid blong informem kot, or Fiji Independent Comission Against Corrapsen.
Mr Rabuka i pas long Magistrate kot long Mandei wik ia.
Lawyer blong hem, Filimoni Vosarogo ibin requestem Suva Magistrate Kot blong karemaut wan long ol kondisen insaed long bail kondisen blong hem.
Mr Vosarogo i talem long kot se wok blong client blong hem hemi bikwan, mo hemi stap travel aut long Suva fulap taem.
Mr Rabuka i fesem jarj blong kivim ol kiaman declaration blong ol properti blong hem iko long Supervisa blong eleksen.
Kes blong Mr Rabuka oli muvum iko long namba 1 Oktoba, 2018.