Bryan Kaltack i plei fes frenli match wetem niufala klab blong hem, Auckland City long Satede las wiken.
Match ia Auckland City i winim Hamilton FC long 4 goals to 2 mo namba 2 frenli bae oli plei akensem Canterbury United long wiken ia.
Bryan Kaltack i plei long seken haf blong kem ia mo koj, Reymond Tribulitz i hapi tumas long big impruvmen we hemi mekem.
Pleia konsen i ripotem long VBTC spot se kojing tim blong bigfala mo profesonal klab ia i stap wok wetem hem blong hemi save gud strategy mo way we oli stap plei finis long hem kam kasem long tede.
Kaltack i se bae i no tekem longtaem blong hemi kasem gud system blong plei blong klab ia mo hemi redi blong tekemap eni jalenj long foret blong hem.