Ministri blong Agriculture, Livestock, Fisheries, Forestri mo Biosekuriti bae i komemoratem Right to Information Dei long tumoro, tru long wan press konferens long tumoro morning.
Ol topik we bae oli tokabaut long taem ia hemi long area blong agriculture, we hemi kavremap potato, onion, kava, mo kokonat strategy.
Long area blong livestock bae oli tokabaut cattle restocking, small livestock development.
Long fisheries hemi coastal fisheri development, mo Sino-Vanuatu processing plant.
Long Forestri hemi wan million tree initiative, mo Biosecuriti hemi protocol blong sapotem export komoditi mo bisnis.
Mo bae oli tokabaut tu ol wok we ol dipatmen anda long ministri ia i stap mekem long Maewo blong helpem ol evacuees blong Ambae.
Olketa we oli hedem ol difren dipatmen ia bae oli stap long press konference ia blong tokabaut ol topik ia.
Press konference bae i tekem ples long Tagabe trening senta long Port Vila, long tumoro long haf-past-8 long morning.