Polis Servis Komisen i konfirmem se Komisina blong Polis, Albert Nalpini i saspend i stap naoia.
Jeaman blong Polis Servis Komisen, Willie Vira i konfirmem wetem VBTC news long tedei morning se Komisina blong Polis, Albert Nalpini i saspend stat long namba 19 September, 2018, mo Hed blong Steit, Pasta Obed Moses Tallis nau i sainem saspensen leta blong hem.
Mo hemi folem recommendation we i kam long Polis Servis Komisen.
Mr Vira i konfirmem se Mr Nalpini i saspend from allegation blong sam isu blong administration long fos.
Hemi talem se taem we hemi stap long saspensen, bae polis servis komisen i investigatem ol allegation ia.
Mr Nalpini ibin appointed i kam polis komisina long las yia, mo kontrakt blong hem i blong 5 yia.
VBTC News ibin traem blong kasem wan respond long Mr Nalpini, be hemi no bin possible blong kasem hem.