International Paralympic Committee i rikonaesem setap blong Vanuatu Paralympic Committee mo ol divelopmen we i hapen insaed long hem.
Presiden blong Vanuatu Paralympic Committee, Margret Macfarlane i wan hapi woman taem hemi risivim gud nius ia mo hemi gohed blong talem se i wan big ajivmen long niufala bodi blong spot long kantri ia.
Hemi gohed blong talem se wan jalenj we VPC i fesem naoia hemi faenansel sapot mo hemi semak situesen blong nara spot disiplin.
Margret Macfarlane i pointemaot se wan nara big problem blong olketa hemi stret statistiks blong pipol wetem disability we Nasonal Statistik Ofis i no save provaedem.
Hemi se tru long statistics bae i helpem hem blong disaenem plan mo projek we bae i atraktem ol bisnis blong sapotem spot bodi ia.