Long Serie A blong Italy,
Ol jampionsip match i gohed long wik ia mo i gat 6 match evriwan we i go long aksen long yestede moning, Vanuatu taem.
Juventus i sutum daon Bologna long 2 goals to 0, Genoa i winim Chieva long 2-0, Napoli i aotem Parma long 3-0, Atlanta mo Torino 0-0, Cagliari mo Sampdoria i enda long 0-0 mo Roma i winim Frosinone long 4 goals to 0.
Draw blong tede, i gat 2 match nomo we hemi stap bitwin Spal mo Sasualo mo Milan i plei Empoli.
Long latest standings afta long ol kem blong tedei, Juventus i topem wetem 18 poin afta we hemi winim evri six match blong hem, Napoli i kam bihaen wetem 15 poin, Lazio 12, Sasuolo 10 mo Fiorentina long namba 5 posisen mo hemi kolektem 10 poin.