Asian Development Bank, ADB bae i kivim ova long 56 million vatu grant blong helpem volkeno disasta responce projekt blong Vanuatu.

ADB mo kavman blong Vanuatu i sainem agrimen blong grant ia long wik ia.

Mo i kat ova long 16 million vatu we oli usum long ol emergensi mo humanitarian wok.

Tufala we i sainem agrimen ia hemi Executive Direkta, Mr In-Chang Song we i representem Vanuatu long ADB bod of direkta, mo Direkta General blong Pacific Dipatmen, Ms Carmela Locsin.

Ms Locsin i talem se grant ia bae i help blong fandem ol servis blong helpem ol pipol, long area blong medikel saplai, kakai, ol botel wota, mo wota purification mo sanitation system.

Mo tu lukluk long ol emergensi mo temporari shelta, mo ol hygiene kit.