Long intanasonal spot,
Germany i winim raet blong hostem 2024 European Championship mo hemi bitim Turkey long vot we exekutiv komiti blong UEFA i go tru long hem long miting blong hem long Nyon.
Germany olsem 3 taem wina blong futbol tunamen ia i bin hostem long 1988, 1974 mo long 2006 hemi hostem wol kap.
Long bid blong hem we hemi putum fowod bambae hemi holem faenol blong European Championship long Berlin Olympic Stadium.
I gat 24 tim we bae oli kompit wetem wan total blong 51 kem evriwan we bae oli spretem long 32 dei long mansi June mo July 2024.
I gat 9 city raon long Germany we bambae oli ranem ol match long hem.
Long saed blong Turkey, hemi namba 4 taem hemi lusum bid blong hostem prestige futbol tunamen ia.
Hemi bin hope blong selebretem indipendens blong hem long yia 2024 wetem bigfala futbol tunamen ia be i no posibol nomo.