Niu exekutiv bod blong Vanuatu Women in Sports Commission i atendem fesfala sab rejinol woksop blong Women and Sports Oceania (WASO) long Port Moresby, Papua New Guinea.
Olketa we i reprisentem Vanuatu long impoten spot miting ia i gat chair-lady blong Vanuatu Women in Sports Commission, Julia King, komisen memba we hemi semtaem male jampion, George Regenvanu mo para-atlet, Friana Kwevira.
Woksop i abaot sapot mo kivim papwa long ol woman long Oceania blong stanap mo tekem lidasip role mo mekem difrens long spot mo komunity blong olketa.
WASO i okanaesem rejinol woksop ia blong help dil wetem ol jalenj we International Olympic Commitee i fesem long saed blong genda ekwaliti review projek.
Chair-lady blong VANWIS, Julia King i talem se oli bin lanem fulap samting long 2 dei woksop ia we bambae i helpem olketa blong advocate plante blong involvem mo promotem woman Vanuatu long spot mo tekem lidasip role long spot.