Leftemap ol Yut blong Torba long Port Vila, hemi theme blong Torba day celebration blong yia ia 2018.
Interim Chairman blong Torba day celebration long Port Vila, John Mark-Mondou i talem long VBTC News tete morning se hemi 3 yia, we community blong Torba i nomo celebratem day blong olgeta.
Mr Mark-Mondou i talem se tingting blong organisem Torba day celebration long yia ia, hemi blong refaevem bak wanem we torba community i stap mekem, blong markem important day ia, we kavman hemi kivim long wanwan provins blong celebrtem day blong olgeta.
Celebration blong Torba Day bae i tekem ples tumorow long Marobe Maket house long Bladiniere Estate long Port vila.