Nasenal Palemen blong Vanuatu i setem wan lan-mak blong wok tuketa wetem Palemen or Assembli blong Franis Polynesia.
Spika blong Palemen blong Vanuatu, Esmon Simon i saenem wan memorandum blong Andastanding wetem Presiden blong French Polynesia, Kaston Tongsong.
Saening ia i tekem ples insaed long Palemen blong Franis Polynesia, long foret blong 57 memba blong Palemen blong French Polynesia.
MOU ia Palemen blong French Polynesia i agri long hem, afta long wan proposol we Palemen blong Vanuatu i bin putum i ko,  abaot ol exjens prokram bitwin tufala Palemen.
Divelopmen ia i tekem ples long fes eva visit we wan spika blong Palemen blong Vanuatu i mekem iko long French Polynesia,  long namba 15 kasem 22 Septtemba 2018.
Spika blong Palemen blong Vanuatu i adresem Palemen blong French Polynesia.
Spika blong Palemen, Esmon Simon, i bin mitim ol difren minista blong French Polynesia,  olsem blong edukeson mo Fisari,  ova long ol progress we territori ia i divelop long hem, mo hemi se bae i pasem ol toktok blong olketa iko long ol minista responsibol long Vanuatu.
Stampa tinktink blong visit ia, hemi blong stanemap strong rilesonsip bitwin Vanuatu wetem ol nara palemen long ol French territori, semak olsem blong New Caledonia,  mo long manis ia i stanemap wetem blong French Polynesia.