Niufala elect MP blong Tanna konstituensi, Jimmy Nipo, bae I mekem swearing-in mo oat of alijians blong hem insaed long flo blong Vanuatu taem Palemen I sidaon samtaem long ol manis we I kam.

Spika blong Palemen, Esmon Simon, I konfemem long VBTC nius se Mr Nipo bae I mekem ol promes blong hem taem Gavman I singaotem wan seson blong Palemen.

Elektrol Komison I kam aot finis blong diklerem se Jimmy Nipo, blong Leaders Pati, I sekurim jea blong Palemen tru long wan bae elekson we I folem loa long bae-elekson we I jas pas.