Minister blong Agriculture, Laefstock, Forestri, Fisheries mo Bio Sekuriti, Matai Seremaiah i talem se Man Vanuatu i mas Changem mentality blong olgeta.
Hemi talem toktok ia taem media i askem se, wanem plan nao ministry i gat, blong deal wetem ol stil we i stap tekem ples long Cattle farm long Tagabe.
Minister Matai i talem se, blong deal wetem issue blong still hemi no easy, nomata sapos yu putum wan ten metter hai fanis, be oli save faenem way blong go insaet.
Hemi talem se blong solvem problem ia hemi mentality blong yumi ol man Vanuatu.
Hemi wan sad something we pipol oli mekem mo hem olsem Minister responsible long ministry ia, hemi stap apil i go long public blong mas respectem wanem we i stap from hemi blong pipol.
Kavman hemi traem best blong hem blong helpem pipol, mo pipol tu i mas recpectem wanem we kavman i stap givim long olgeta.