Launching blong 5 yia project blong impruvum Productivity blong beef sector long kantry i tekem tete morning long conference room blong Melanesian hotel long Port Vila.
Dei tete hemi makem wan milestone mo achivement long department blong Biosecurity mo Ministry blong MALFF blong finaly kat wan project implace blong help downem ol rabis grass or weed we oli affectem bigwan beef productivity bong country.
Since long long 1935 Vanuatu i bin receivim fes biological control we oli bin rilisim blong controlem lantana grass long country.
Be Launching blong tete hemi blong impruvum productivity blong beef sector industry long Vanuatu tru long management mo biological control blong ol weed olsem Hibiscus Burr, pico mo wild peanut.
Hemi important tumas blong Vanuatu i gat biological control long environment blong hem, wan long ol main important area nao hemi long saet blong productivity blong beef.
Acting DG blong Ministry Benjamin Shing i talem long toktok blong hem tete morning se hemi more better blong country i usum ol natural biological control blong downem ol rabis grass instead blong usum ol chemical methode.
Project ia ministry blong Foreing Affea mo trade blong New Zeland nao i fundem.
Launching blong tete i lukim every director blong Ministry, Acting DG blong Ministry, Benjamin Shing, Manger blong international businis grup long new zeland, MS Lattimore Jane, Science team Lida, Hayes Lynley ol staff blong department mo some farmer.