Atitude blong ol woman i mekem se oli ol gud, konstraktif memba blong palemen.
Emi toktok blong Pouto Williams, Memba blong Palemen blong Christchurch East konstituensi long Niu Zilan mo hem i stap tu olsem wan long ol asisten Spika blong Palemen.
MP Williams emi wan long ol Pasifika MP. Mo hem i talem se ol woman i nid blong sapotem each other, blong save gat ol woman MP.
Witaot sapot ia bambae oli no save ajivim gol blong gat ol woman representatif insaid long Palemen.
Hemi vois blong Assistant Spika, Niu Zilan House of Representatives, MP Pouto Williams. long time blong visit blong hem olsem pat blong delegesen blong Spika, Rt. Hon. Trevor Millard long wik ia.
Delegesen i bin lego kaontri mo kontiniu i go long Solomon Aelan.