Fulap traffic law long kaontri i no enfos from se i nogat enaf man we oli stap wok long Traffic section long kaontri.
Hemi toktok blong Acting Ofisa Commanding mo Senior Inspector long Traffic section long Port Vila, Kalontas Titus long Vanuatu Polis Fos long wan tokbak show i no longtaem.
Mr Titus i talem se Traffic section blong Vanuatu Polis Fos i nid blong kat wan strong structure blong administarem ol polis traffic activiti tru aot long kaontri.
Hemi talem se traffic section i sud kat wan overall command we i lukaotem traffic policing long kaontri we oli deal wetem ol traffic mo Pablik land transport law.
VBTC News i understandem se follem isu blong ol trak we oli stap park long left mo raet hand saed blong rod, hemi hard blong Polis traffic i controllem from oli smol nomo mo i kat two mas samting we i happen olsem ol acciden.
So Polis Traffic i callem everyone blong tekem ol toktok ya serious oltaem from i kat ol fine blong hem.