Ofis blong Melanesian Spearhead Group (MSG) i sapotem Vanuatu ragbi sevens tim we i stap pripea naoia blong go kompit long Oceania Rugby Sevens long Fiji.
Daerekta jeneral blong MSG, Amena Yauvoli i handem ova VT200,000 i go long presiden blong Vanuatu Football Rugby Union, John Miller Kalo long secretariat ofis long Port Vila las wik.
Ambasada Amena Yauvoli i talem se MSG wok prokram i rikonaesem spopt mo yut aktiviti olsem wan impoten tool blong divelopem long Melanesian rijen.
Hemi se smol help we oli kivim i kivhan long tim long patisipesen mo i impoten blong hem i mas kompit long rejinol sevens tunamen ia.
Long saed blong hem, jeaman blong VRFU bod, John Miller Kalo i aknolejem faenansel sapot we i kam long Melanesian Spearhead Group.
Hemi se tim sapot ia i kam long stret taem we oli stap traem blong sendem tim i go kompit long Oceania ragbi sevens tunamen long Suva, Fiji