Presiden blong Oceania Football, Lambert Maltock i talemaot se FIFA Audit mo Compiance Committee i karemaot restriksen long OFC Funding.
Lambert Maltock i se hemi wan gud nius blong famli blong futbol long Oceania mo hemi posibol nomo from OFC secretariat i soem gud koperesen mo kolaboresen long investigesen we i tekem ples.
Hemi mekem se i gat bigfala reform long gavnans long OFC mo konfidens we FIFA i putum long niu lidasip we i stap naoia.
Mr Maltock i talem se taem FIFA i karemaot ban ia, Vanuatu Football Federation i save gat akses long samples 13 million vatu we bae i go tuwods ol frenli match blong nasonal soka tim.
Hemi pointemaot se hemi praod long nius ia mo i gud blong luk se anda long lidasip blong hem, hemi karem bak kondifens long FIFA.