Ol pipol blong Vanuatu oli nid blong respektem oltaem Dei we ol bik man blong Vanuatu oli bin saenem Mama Loa blong kantri.
President blong Repablik blong Vanuatu, Pastor Obed Moses Talis i talem se konsititiuen nao i kivim paoa mo fridom long wan citizen blong exercisem rights blong hem.
Hemi talem se Unity mo Fridom hemi kam tu wetem ol responsibilities we ol man mo woman oli mas mekem blong acheivem unified mo fri sovren nation.
Mr Obed i talem se tedei ol stampa tinktink we konstitiuen blong Vanuatu i stanap from, blong promotem unity mo fridom, oli stap lusim pepos mo ples blong olketa long nation ia.
Hemi talem se ol traditional Melansian Values olsem Kalja, Lanwis, respect, mo kastom oli stap lus sloslo long Vanuatu.
President Obed i ko hed blong talem se tedei ol pipol oli stap mekem ol kastom tanis mo kalja from mani nomo, be ino blong maintainem ol traditional values blong kantri.