Long nara development, ol elekson blong aelan kaonsel blong ol jif blong Vanuatu i tekem ples long wik ia.
Jif Senimau Tirsup, kea-teka presiden blong Malvatumauri i konfemem long VBTC nius se, elekson blong Nikoletan Kaonsel blong Tanna i tekem ples long tedei.
Jif Tirsupe, i talem se long Wednisde wik ia, elekson blong Tabwemasana kaonsel blong ol jif long Santo bae i tekem ples.
Hemi talem se long wik ia, elekson blong ol aelan kaonsel blong ol jif truaot long Vanuatu bae i tekem ples, mo long nekis wik bae hemi elekson blong ol eben kaonsel blong ol jif.
Kea-teka Presiden blong Malvatumauri, Jif Senimau Tirsupe, talem se elekson blong niufala Presiden blong Malvatumauri bae i tekem ples afta-nekis-wik.
Hemi talem se afta long elekson blong niufala Presiden blong Malvatumauri, bambae i kat wan ritrit blong ol niufala memba blong Malvatumauri.