New Zealand mo Oxfam Vanuatu i join tuketa blong putum wan Cash Transfea Program blong ol famili blong Ambae we oli muv aut long aelan blong olketa.
Hai Komisina blong New Zealand, Jonathon Schwass mo Direkta blong Oxfam Vanuatu, Elizabeth Faerua i sainem wan Fanding Agrimen blong program ia long las wik.
Cash Transfea Program ia bae i kivim sam financial help iko long ol famili blong Ambae long 3 manis.
Mo ol wanwan famili or household bae oli lukluk long olsem wanem blong spendem mane blong olketa long sam long ol mein nid blong olketa.
Direkta General blong Ministri blong Climate Change, Jesse Benjamin mo Direkta blong Nasonal Disasta Management Ofis, Abraham Nasak i witnesem signing ia.