Waste Charactrization o Waste Audit hemi wan study blong analaesem ol difren kaen waste we wan human being I stap prodiusum long daily basis blong laef blong hem. Study ia I save helpem ol otority olsem wan Municipality blong impruvum ol measures blong treatim ol waste blong wan household.
Health and Sanitation Section blong Luganville Municipality wetem Environment Office blong Sanma Provincial Gavman wetem asistens blong wan volunteer team blong Red Cross Society I kondaktem Waste assessment study ia long las wik long Luganville.
Waste Audit or Characterization program ia I bin involvem ol sitisen blong Luganville wetem ol bisnis haos mo Gavman ofis blong tekem part long hem.
Head of Section blong Health & Sanitation Desk long Luganville Municipality, Mr. Ray Vilvil I talem se program ia hemi wan annual event mo hemi wan tool blong monitarem ol behavior blong ol sitisen blong Taon ia.
Sanma wetem Luganville Taon, tufala I tekem lead long praktis blong Waste Characterization mo hemi wan exercise we hemi impoten tumas long livelihood blong ol sitisen blong tufala otority ia olsem we Environment Officer blong Sanma Provins hemi explenem.
Waste Audit program blong Luganville mo Sanma Province hemi start long yia 2012 mo hemi folem ol National Environment plans blong kaontri.
Tingting blong carry out program blong waste characterization hemi stap long work plan blong Luganville Municipal council mo hemi go inline wetem world clean up day mo world ozone day we tugeta i stap long manis September we department blong Environment I stap oganaesem tu evri yia.