Georgia Republic i strengthen relation blong hem wetem Vanuatu.
Ambasada Designate blong Republic blong Georgia we i lukoutem Vanuatu, George DOLIDZE, i presentem credential leta blong hem long yestedei iko long Akting Presiden blong Vanuatu, mo Speaker blong Palemen, Esmon Saimon.
Mo hemia hemi folem bilateral relation we Vanuatu i kat wetem Georgia sins long namba 12 July, 2013.
Mo sins long establishmen ia, tuketa kantri ibin akri blong developem relation mo cooperation between tufala, mo semtaem promotem bilateral trade mo investment.
Akting President Saimon i talem se Georgia ibin stap helpem finis Vanuatu, mo afta long cyclone Pam long 2015, Georgia i kivim wan kash donesen blong 100-tausen Ameriken dola, mo hemi tekem pat tu long donor patners konferens long Port Vila.
Long area blong education, kavman blong Georgia hemi kivim scholarship blong 2 ni-Vanuatu studen we i stap stadi naoia long Tbilisi long Georgia.
Mo hemi talem se wan area we Georgia bae i help long hem tu hemi long helt.
Ambasada designate blong Georgia i stap long wan 5 dei visit long Vanuatu.
Hemi beis long Canberra Australia.