Kapitol Port Vila i nokat wan propa pemanen waf blong fasilitetem gud mo sef sevis blong ol lokol shiping i ko long ol pipol.
Naoia ol ship oli stil yusum wan flota blong saed long hem, long end blong bikfala waf long Port Vila.
Komunikeson mo Pablik Rileson Ofisa blong Vanuatu Projek Manejmen Unit VPMU, Kierry Mannasah, i talem long VBTC nius se wok bae i stat bakegen long Saot Parei, narasaed long Lapetasi Malti-pepes waf bae i kikoff bakegen long midil blong nekis yia, 2019 afta we wok i bin stop.