Long rejinol spot,

Well-known Fiji sevens pleia, Jasa Veremalua bae i no joimem Fiji Airways National Sevens tim long nekis HSBC sevens tunamen.

Koj Gareth Baber i talem se Veremalua i bin karem wan ofa blong saenem kontrak mo plei ovasi so hemi opotunity blong ol niu pleia blong joinem tim.

Baber i pointemaot se tim i stap muv i go long pri-sisen preparesen mo oli stap luk fowod blong pleim sam kem long Oceania 7s tunamen.

Hemi se bae i festaem blong hem tu blong kojem nasonal tim we bae i kompit long sevens tunamen we oli holem long Fiji nomo.

Hemi adem se Oceania Sevens bae i helpem hem mo ol pleia blong plei tuketa bifo HSBC 7s tunamen.

Koj Gareth Baber i talem laswan se bambae hemi skaotem ol niu pleia blong joinem nasonal sevens tim long tunamen we bae oli holem long Kadavu, Vanualevu mo Yasawa.

Jampion blong Oceania Sevens, Fiji Airways tim i pool wetem Papua New Guinea mo Solomon Islands long tunamen.