Polis i talem se ol driver oli must mekem sua se ol load or samting we oli karem behaen long olgeta trak, i no mekem danger long life blong nara man long trak mo tu ol man long rod.

Especially nao ol hardware mo private trak.

Hemi toktok we i kam long Polis Traffic unit long Port Vila.

Sergeant Edward Kalura i mekem toktok ya follem wan acciden we i tekem ples long wik ya long rod long starfish i go long teouma long Efate, we i lukim wan man i bin lusum laef blong hem.

Mo hemi Leit Steven Toa.

Polis i ripotem se long taem ya leit Mr Toa i stap behaen long cart blong wan Toyota double cabin, wetem plywood mo wan bag cement we hemi 50 kilo.

Polis i ripotem se double cabin ya i wantem takeova long wan nara trak mo semtaem wind i strong mo i blowem aot bag cement ya mo i fas long man ya behaed long cart blong trak mo hemi foldaon mo ded semtaem.

Plywood i foldaon long diffrent ples.

Medical staff long Vila Central Hospital i talem se leit Mr Toa i ded from kil we hemi kasem long hed blong hem.

VBTC News i understanem se trak ia, bae polis traffic i holem taet long 10 dei long polis station, taem polis i mekem investigation long aksiden ia.