Polis Traffic unit long Port vila i mekem wan call bakegen long ol driver mo rod user blong must usum bus stop.

Sergeant Edward Kalura long polis traffic unit i mekem toktok ya blong sapotem toktok blong Minista blong Infrastructure mo Pablik Utiliti long kaontri, Jotham Napat long taem blong campaign blong 'tinktink rod safeti i no longtaem.

We i talem se i taem nao blong ol man i usum ol 43 bus stop we i stap unda long Port Vila Urban Developmen projek.

Sergeant Kalura i talem se ol rod user o ol man we oli stap usum rod i must stanap oltaem long ol bus stop blong stoppem bus.

Mo ol driver i must pick up mo drop off tu long ol bus stop.

Hemi talem se long wei ya hemi nosave causem rod acciden o disturbem flow blong traffic.