Polis long kantri i stap investigatem ded blong two student we i tekem ples long wik ia.

Wan hemi wan studen blong Montmartre sekondari skul, mo wan blong Hog Habour sekondari skul.

Kel student blong Monmartre sekondari skul oli finem bodi blong hem long area blong Teouma long Efate long yesterdei.

Wan olfala woman nau ibin finem bodi blong hem, taem we emi ko blong lukoutem firewud.

Nara kes hemi wan studen blong Hog Habour long Santo, we oli finem bodi blong hem kolosap long solwora long area blong skul long yesterdei aftenun.

Hemi wan yia 9 boy student, mo hemi blong Tanna.

Polis Komanda North, Assistant Komisina Willie Samuel i konfirmem long VBTC news se boy ia, wan nara studen nau ibin finem bodi blong hem.

Polis i stap mekem investigesen iet blong finem kos blong tufala ded ia.