Fiji emi kontiniu blong lidim pasifik long saed blong wok blong hem wetem Unaeted Nesen Oganaesesen.
Long Fraedei las wik, Radio New Zealand, i ripotem se Fiji, emi bin saksesful long kampen blong hem blong winim wan jea long Unaeted Nesen Human Raets Kaonsel.
Ripot ia i talem se Fiji emi wan long 18 kaontri we oli votem blong kat wan jea.
Be ripot i talem se i gat fulap oposisen long Fiji, mo i talem se Fiji emi no shud gat wan jea ia, from hem i no stretem ol human raets grivens insaed long own kaontri blong hem.
Sam nara kaontri, olsem Philipines, Eritrea, Bahrain mo Cameroon, tu oli kasem kritisism.
Praem Minista blong Fiji, Frank Bainimarama, i talem se full-body konstitusen blong kaontri blong hem mo long eksperiens blong hem long peacekeeping raon long wol, i minim se Fiji i save adem valiu long kaonsel ia.
Fiji emi stat blong joenem ol peacekeeping operesen, long 1978.