Hed blong Gavman, Prime Minista Charlot Salwai Tabimasmas hemi invaetem niufala Secreketeri Jenerol blong International Organization blong la Francophonie i kam long Vanuatu, Mrs LOUISE MUSHIKIWABO.
Prime Minista Salwai i bin atendem namba 17 Francophone Summit we i bin tekem ples long tosdei mo fraede las wik long Everan long Afrika.
Mo long Ofisol toktok blong hem, Praem Minista i congratuleitem niufala elekted Sekreteri Jenerol blong la Francophonie, Mrs Louise MUSHIKIWABO mo semtaem invaetem hem i kam long Vanuatu.
Mrs MUSHIKIWABO, hemi blong RWANDA mo i tekem ples blong Foma Sekreteri Jenerol blong la Francophonie, we hemi Mrs Michaelle JEAN blong CANADA.
Prime Minista Salwai i talem se while Gavman blong Vanuatu i wait long wan confirmation date, blong Sekreteri Jenerol blong la Francophonie i kam long Vanuatu, hemi bin spesifaem long spij blong hem, se hemi wantem Madame Louis MUSHIKIWABO i mitim ol Yangfala Ni Vanuatu taem hemi kasem VANUATU.