Edukesen otoriti blong ol Catholic skul, Ladec, wetem Administresen blong skul i talem se i nid blong gat plante dialogue o toktok betwin ol parent, ol pikinini, mo tu ol skul, blong ensurem komplit sefti blong wan pikinini.
Principal blong Montmartre, Mr Baticklamap Delphino, i talem se i gat tri kaen edukesen.
tu oli save kontrolem o gat wan bigfala influens long hem, be narawan nao emi had blong kontrolem, witaot gudfala dialogue mo andastanding.
Mr Baticklamap i talem se edukesen blong home mo edukesen blong skul eitha parent mo skul i save manejem, be edukesen blong street, we emi inbitwin long home mo skul, emi wan had samting blong manejem.
I mas gat plante toktok bitwin ol parents wetem ol pikinini mo ol parents wetem skul.
Hem i talem se ol skul, mo skul blong Montmartre emi wan, oli stap gat plante toktok wetem ol studen, prayer wetem ol studen mo enkarejmen long ol studen, mo i nidim help blong ol paren.
Mr Baticklamap emi talem toktok ia folem ded blong late Yia 10 Studen blong olgeta, long las wik.
Ded ia emi stap wetem Polis we oli stap investigetem, mo long en blong las wik, i lukim oli mekem kol i go long ol white box bus draeva, spos wan we i save se hem nao i dropem off, late Aisha mo fren blong hem long Etas area, blong go long polis stesen blong givim toktok blong hem.
Long nara rileted nius,
Priest we i lukaotem Montmartre Skul, Reverend Father Kenny MALATU i talem se ded blong Late Aisha, hemi wan Tragedy blong Management blong Montmartre Skul tu.
Mo hemi wantem assurum evri Parents se Montmartre hemi gohed long ol normal class blong hem.
Father MALATU i talem tu long evri Parents se hemi impoten blong oli toktok plante wetem ol pikinini blong olgeta, mo tu spendem plantem time wetem olgeta blong oli no mas filim tu absence blong parents blong olgeta.
Father MALATU i sendem condoleance message blong hem tu i ko long famli blong late Aisha, mo prea blong hem se bambae God I Comfortem heart blong Papa mo Mama blong late Aisha mo evri famli.