"ORGANISATION INTERNATIONALE DE LA FRANCOPHONIE" hemi elektem wan niufala Sekreteri Jenerol blong hem long namba 17th Francophone SUMMIT we i tekem ples long fraede las wik (12th October 2018) long EREVAN, long Armenia.

Hemi Mrs Louise MUSHIKIWABO blong RWANDA mo hemi tekem ples blong Mrs Michaelle JEAN blong CANADA.

Prime Minista blong Armenia, Nicol PACHINIAN nao hemi Ofisietem Eleksen ia long presence blong Hed blong Gavman blong Vanuatu, Prime Minista Charlot Salwai Tabimasmas.

Mrs Louise MUSHIKIWABO hemi current Minista blong Forein Affair blong Gavman blong RWANDA mo hemi bin karem full sapot blong Prime blong Minista blong ARMENIA tu.

President blong Ripablik blong France, Emmanuel MACRON i askem long niufala Sekreteri Jenerol blong traem re-inventem "La Francophonie".

Niufala SG blong La Francophonie, Louise MUSHIKIWABO i talem se hemi taem blong Head Ofis blong la Francophonie i mas ko kolosap evri memba kantri.

Mrs MOSHIKIWABO i talem se hemi no wan woman blong toktok be hemi laekem mekem work, mo hemi talemaot se bambae hemi work blong evri memba kantri blong "Organisation International de la Francophonie", mo tu bambae hemi visitim evri Memba kantri.