FIFA i transferem finis fes 10 million vatu i go long akaon blong Vanuatu Football Federation from Freshwota fil projek.
Presiden blong Vanuatu Football, Lambert Maltock i konfemem divelopmen ia long long wan email blong hem we VBTC spots tu i kasem we i explenem use blong mani ia.
Mr Maltock i advaesem VFF administresen se mani ia i go strikli long engineering fees blong Freshwota Stadium projek mo oli no mas mixim wetem VFF operesonal cost funds.
Hemi talem se stat long yestede mo long tede tusde ol fisikel wok long Freshwota fil i gohed blong rimuvum goal post, pablik toilet mo building wall oli demolish blong kraon wok i stat long stadium.
Afta long hem bambae oli kavremap fil blong full operesen blong konstraksen i tekem ples.