Olgeta pipol long kaontri i must oltaem respectem ol rod sign we i stap long rod.
Hemi toktok blong Minista blong Infrastructure mo Pablik Utiliti long kaontri, Jotham Napat.
Minista Napat i mekem toktok ya long launch blong 'Tinktink rod safeti' mo streesem se ol man long Vanuatu i must changem how oli tinktink mo stop blong stonem nogud o tekem aot ol rod sign.
Hemi talem se hemi pas raon long aelan blong Efate mo faenem aot se fulap sign we i bin stap long rod, ol man oli bin spoilem mo i nomo kat.
Minista Napat i talem se ol man oli sud stoppem kaen attitude ya from safeti blong pablik we i stap usum rod i impoten mo tu ol turis we oli kam long kaontri bae oli safe tu semtaem.