Auckland City i winim Team Wellington long Charity Cup long 4-3 long Sande aftanun.
Long haftaem tuketa tim i lok long 2-2 olbaot mo long seken haftaem, Auckland i inkrisim 2 poin mo Team Wellington i skorem 1 poin nomo.
Difenda blong Vanuatu, Bryan Kaltack we i saenap wetem Auckland City long sisen ia i plei long seken haf blong kem ia.
Long saed blong straeka blong Solomon Islands, Micah Lea'alafa i wan long ol goal skora blong Auckland City.
Match ia oli pleim long Kiwitea Street mo Auckland i karemaot Charity Cup ia long Team Wellington.