Well-known rijenol musik festival we Vanuatu i hostem bambae emi tekem ples long nekis wik, mo ol oganaesa oli anaonsem finis ol band we bambae oli tek pat.

Stat long namba 24 kasem 27 long manis ia Oktoba, 2018, Fest Nalenga bambae i kik off, we emi festival blong ol lokol musik blong yumi.

Folem wetem Fest Napuan.

Ol band we bambae oli pat long Fest Napuan i gat Moana & the Tribe  blong New Zealand,

I NU blong New Caledonia, Wild Marmalade blong Australia, mo ol lokol band; Stan and the Earthforce, Metoxide & the Riddim Box, El Professor, Bamboo Band, Milly Dham & the Chronicles, Tujah & the Groove Gang, Pango Vibrations, Confliction, Krasrut Star, Smol Fyah, Amel 'oza, Stophira & the Reggae Smith, VMF Band, Koncerners, Dukez, Real Peace mo Eraso.

Fest Napuan, we bambae i tekem ples long Saralana Stage long Port Vila, olsem evritaem, emi stap olsem wan long ol largest musik festival we pasifik i stap hostem, mo i stap atraktem tu ol pipol blong ovasi we oli stap kam blong watjem.

Festival long yia ia i makem 23 yia since we festival ia i bin stat, long 1995.