Dei wan blong intanasonal junia tenis tunamen we i stap tekem ples long Port Vila i feva moa long ol yangfala we i kam ovasi blong kompit.
Ripot long Vanuatu Tennis Federation i talem se aot long 11 lokol tenis pleia we oli bin plei, evriwan i lusum fes match blong olketa eksept blong top sid we hemi Clement Manguy.
Nomata long aotkam blong Team Vanuatu be oli bin faet hard mo hed blong olketa I stap hae oltaem mo luk fowod blong tekemap ol next kem blong olketa.
Olketa we oli winim ol opening match blong olketa long difren age grup bambae oli go tru long seken raon we hemi kwota faenol blong tunamen.
Long semtaem oli adem poin long International Tennis Federation ranking blong olketa.
Long Mande Plante ren we I foldaon I distebem bigwan ol match be olketa we I ranem tunamen ia oli mekem sua se ol tim I gohed kasem long 7 oklok las naet.
Long yestede kompetisen I no bin save gohed nomo long six tenis kot long Korman from rabis weta long Port Vila mo ol six tenis kot long Korman i wetwet we i denja long ol pleia I plei.
Ol okanaesa blong tunamen ia oli saspendem evri match blong yestede mo bambae oli karem bak evriwan stat long 9 oklok tede moning dipen long weta.