Duke mo Duchess blong Sussex, Prince Harry wetem wife blong hem, Meghan Markle, i kasem finis Australia, long yestedei moning, blong fes eva Pasifik tour blong tufala.
Yestedei Royal couple ia i wokbaot long Sydney, mo fulap taosen pipol i bin stap long ol rodside blong lukim tufala, sekan long tufala mo givim ol smolsmol presen o flawa, even askem tufala blong saenem o autographem ol item blong olgeta.
Media blong Australia i ripotem se fulap ol presen ia oli blong babay we tufala i stap ekspectem long nekis yia.
Wokbaot blong tufala i stat Taronga Zoo mo openem niufala institute blong science mo Learning blong zoo ia, we emi stap blong tijim ol pikinini blong Australia long saed blong environmen mo konsevesen blong wildlaef.
Tufala i bin krosem Sydney harbour long wan bot blong go long femes Opera haos blong sydney, mo watjem wan spesel pefomens blong Vangad, Aborigini mo Tores Strait Islanders' danse grup.
Ol pipol blong Australia oli hapi tumas blong lukim mo mitim tufala.
Long en blong wik couple ia bambae i travel i go long Fiji.