Vanuatu Red Cross Sosieti, VRCS, i holem wan media wokshop long Port Vila, yestedei long moning.
Wokshop ia emi tekem tugeta sam long ol pipol we oli wok long media long Vanuatu,
Mo purpose blong hem emi blong mekem sua se ol media ofisa oli save ol stret infomesen abaot wan Red Kros Sosieti, mo hao emi wok, espesli insaed long Vanuatu.
Risen emi from I gat fulap miskonsepsen, o wrong idea insaed long kaontri abaot Red Kros mo wanem nao emi wok blong hem.
So VRCS I wantem mekem sua se media I save ol stret infomesen, olsem bae I save helpem ol pipol blong oli save tu.
Long wokshop ia I lukim jeaman blong Bod blong VRCS, foma Presiden blong Ripablik, Ati George Sokomanu mo Treasurer, Port Vila taon kaonsela, Moses Stevens, CEO Jacquelin Degaillande oli bin givim toktok long ol patisipen abaot Red Kros sosieti blong Vanuatu.