Polis long Port Vila i konfirmem se i kat wan possible saspekt folem ded blong yia 10 kel studen blong Monmartre sekondari skul we i ded long las Wednesdei 10 Oktoba, long Teouma ara long Efate.
Polis i konfirmem se I gat wan posibol suspect we name blong hem hemi, wan long ol nem ia, Etienne Willie or Etienne John, or Etienne Sam or Etienne MOLI, mo saspekt ia hemi blong Tongoa.
Mo polis i talem se oli wantem blong kasem man ia.
Polis i talem se oli faenemaot se suspect ia hemi louss long haos blong hem, sins long tosdei las wik namba 11th oktoba 2018 mo I kat information se hemi aot long EFATE mo ko long Malekula.
Polis I stap apil long ol family, friend, komuniti raon long Vanuatu blong kolem Polis long free line namba 111, sapos eniwan I luk suspect ia.
Polis I wantem mekem I klia tu se hemi againsem Law blong eniwan I haetem ol kaen man olsem we oli mekem trabol.
Mo sapos Polis I faenemaot eniwan we I haetem suspect ia, bambae Polis I dil wetem hem folem law.
Polis bae hemi apresietem bigwan help blong ol Komuniti long mata ia.
Long yestedei ol pathologist oli wok long bodi blong Leit student ia blong faenem aot wanem nao i kosem det blong hem.