Vanuatu intanasonal, Kensi Tangis we i stap plei long Solomon Warriors i topem list blong ol goal skora long Solomon Telekom League.
Long stat blong wik ia hemi gohed blong inkrisim skolaen blong hem i go long 10 poin afta we hemi putum 5 poin akensem FC Guadalcanal.
Pleia ya we hemi kamaot long Canal Fanafo long Santo i lidim golden boot resis wetem 10 poin insaed long 6 kem we defending jampion, Solomon Warriors i pleim finis.
Hemi no festaem Kensi Tangis i reis from Golden Boot awod long primia lik blong Solomon Islands.
Coleman Makau i stap long seken spot wetem 7 goal, Adrian Mara mo Molea Tigi i skorem 5 poin each.