Wok i stap go hed gud finis blong buildim ol stall long Saralana Park long wik ia.
Ol stall ia emi blong olgeta we oli wantem salem kakai, kava, mo providem ol narafala samting blong spekteta i save enjoyem tu.
I gat lukluk se ol stall bambae oli redi long end blong wik ia, mo i gat ol pipol we oli responsibel blong salem ol stall.
Fest Nalenga bambae i stap long nekis wik, long namba 24 Oktoba, mo folem wetem Fest Napuan long namba 25 kasem 27 Oktoba.