AFL Vanuatu i holem ol las trael match blong U15 tim blong hem long Port Vila las wiken.
Ripot i talem se i gat gud aotkam long trael ia mo oli aidentifaem sam potensol pleia we bambae oli mas tren tuketa blong reprisentem Vanuatu long Fiji long end blong yia.
I gat 45 pikinini i bin kam fowod long las Sarere mo oli bin selektem 25 nomo blong stap long pri seleksen.
Koj blong U15, Ryan Bonga i confem long VBTC spot se long nekis 2 wiks we i stap kam bae nem blong pri skwad i kamaot mo bae AFL i kipim olketa long Academy blong oli tren tuketa.
Mr Bonga i se bae oli anaonsem faenol tim bifo oli travel i go long Fiji blong kompit long Oceania U15 AFL Championship.