Nasonal difenda blong Vanuatu, Bryan Kaltak i konvinsim koj blong Auckland City long pefomens blong hem long seken match blong ISPS Handa Premiership akensem Tasman United long eli wik ia.
Presiden blong Oceania Football, Lambert Maltock i go wajem match ia mo hemi preisem hae level futbol we Bryan Kaltak i displeim.
Mr Maltock i se hemi bin toktok wetem koj blong Auckland City, Raymond Tribulitz mo hemi preisem Kaltak se hemi kajap kwiktaem long kem stael we klab i stap plei long hem.
Hemi festaem blong Kaltak i plei long wan full match mo helpem niu klab blong hem i winim Tasman United long wan sko blong 3-1.
Hemi seken win blong Auckland City mo hemi topem tebol naoia wetem six poin long ISPS Handa premia divisen lik.